Në jetën e lojtarëve të mëdhenj jo gjithnjë gjërat kanë shkuar në mënyrën më të mirë. Këtë e konfirmon ish-mesfushori i Barcelonës e Manchester City Yaya Touré. Lojtari nga Bregu i Fildishtë, për Mirror, ka treguar problemet e tij në fillimet e karrierës dhe situatat e rënda të racizmit më të cilat i është dashur të përballet.
Përpara se të bëhej një futbollist me famë botërore, Yaya Touré është keqtrajtuar në Ukrainë tek Metalurg Donetsk, kur ishte vetëm 20 vjec: “Në fillim ndihesha i poshtëruar, më pas i tërbuar. Koret që imitonin majmunin ishin gjëja më e keqe. E ndonjëherë e bënin edhe tifozët e skuadrës sime”. Ndër thirrjet më të rënda ish-mesfushori kujton: “Më thoshin: ‘m.. i zi, kthehu në shtëpi’.
E më pas ajo thirrje, gati e dëshpëruar për të atin: “Më kujtohet që e kam telefonuar babain tim dhe i tregova për atë që po më ndodhte: ‘Baba, ndihem keq!’ Më tha të dilja të luaja, të tregohesha i fortë, por një ditë erdhi të më takonte. Të gjithë të bardhët rrinin larg tij e u ulën diku tjetër. ‘Cfarë po ndodh,erë e keqe?’, më pyeti, por nga ai moment e kuptoi”.
Yaya Touré vazhdon të jetë shumë i ndjeshëm për këtë situatë, por ka edhe zgjidhjen, në mënyrë që këtij fenomeni ti jepet fund: “Zgjidhja? Nëse një futbollist ofendohet, e gjithë skuadra duhet të largohet nga fusha, përfshirë tifozët e drejtuesit, dicka duhet bërë nga FIFA …”. “Nëse nuk ndërhyn, për fat të keq, pas ndonjë jave, apo ndonjë muaji, racizmi do të kthehet”.
