E dashura e Nipsey Hussle, Lauren London, theu heshtjen pas vrajës së reperit paraditen e së dielës.
“Jam tërësisht e humbur. Kam humbur shokun tim më të mirë. Shenjtorin tim. Mbrojtësin tim. Shpirtin tim… Jam e humbur pa ty. Ne jemi të humbur pa ty zemër. Nuk kam fjalë”, shkroi ajo në Instagram të martën.
Postimi i saj erdhi në të njëjtën ditë kur i dyshuari për vrasjen e 33-vjeçarit u arrestua.
Lauren postoi disa foto të tyre bashkë, si dhe imazhe ku Nipsey shfaqet me djalin e tyre 2-vjeçar. Reperi kishte edhe një vajzë, Emani, nga lidhja e tij e mëparshme.
Nipsey dhe Lauren janë bashkë që prej vitit 2013 dhe kanë një djalë të quajtur Kross.
Ata u njohën në Instagram, kur fillimisht aktorja zgjodhi muzikën e tij për një video për kastin e filmit ku kishte marrë pjesë. Ajo e ndoqi atë edhe ai bëri të njëjtën gjë, më pas nisën të flisnin me mesazhe.
