Me zërin e saj Rona Nishliu arri të fitonte zemrën e të gjithë Europës në 2012-n, kur konkurroi në Eurovision.
Ndërkohë që pas martesës së saj në shtator të vitit të kaluar, nuk kishim mësuar ndonjë detaj nëse Rona do t’i rikthehej skenës me këngë të reja.
Tashmë mësohet se Nishliu po punon për disa këngë të reja. Nga postimet e saj në Instagram kuptojmë se, këngët do të jenë të rrymës “jazz”, por do të kenë edhe motive ballkanike e popullore shqiptare.
Në mbishkrimin e një videoje ajo shkruan: “Këngë të reja shumë shpejt! Rona Nishliu Quartet”.
Rona nuk ka dhënë më detaje nëse flitet për ndonjë përmbledhjeje këngësh apo do të mbajë dhe një koncert.
