Këtë mbrëmje nuk do të zbresë në fushë ndaj Interit për shkak të skualifikimit, por tashmë Ausilio dhe Marotta nuk kanë elementë të tjerë të veçantë për të mbledhur: rritja e madhe e Duvan Zapatës është nën sytë e të gjithëve dhe janë shumë klube që janë të gatshëm për ta rrëmbyer. Atalanta – Inter, distanca është më e shkurtër se sa mund të mendohej: më pak se pak 100 kilometra ndajnë dy qytetet, por mjafton t’i kërkohet Gagliardinit për të kuptuar se sa e rëndë është pesha e fanellës që vesh.
DASHURI TOTALE – Atalanta dhe Gasperini kanë prodhuar lojtarë gjatë viteve të fundit dhe destinacioni i preferuar ka qenë Milano, në spondin Milan apo Inter, mjafton të kujtosh Conti, Caldara, Kessie, Gagliardini, Cristante. Edhe këtë herë, Inter nuk duket i tërhequr, jo sepse në mes është Zapata, që në rrugën “Vittorio Emanuele” i ka bindur të gjithë, por sepse mbi të gjitha Marotta, për shkak të cilësive të kolumbianit, ka më shumë qartësi e siguri, se sa dyshime. Ajo që e frenon operacionin, me sa duket, është çmimi i kartonit, për shkak se për ta pasur bergamaskët do të derdhin 26 milion euro në arkën e Sampdorias (12 për huazimin dyvjeçar dhe 14 për blerjen përfundimtare).
MENDIMI I MAROTTA – Sulmuesi është shumë i lumtur në Bergamo, por e lëkund thirrja e të mëdhenjve dhe Championsi. Bergamaskët kanë tashmë të fiksuar çmimin për Zapata: 50 milion euro. Inter reflekton dhe e mendon investimin që nuk do të mund të arrihet pa shitjen e Icardi. Nëse Marotta nuk arrin ta shesë argjentinasin të paktën dyfish, do t'i duhet të ndërrojë strategji. Gjithçka është në diskutim dhe Atalanta nuk e mbyll përfshirjen e të rinjve me të ardhme në tratativë.
