Tre gola në dy ndeshjet e fundit e kanë konfirmuar formën e mirë të Emir Lenjanit në Zvicër me Sion, por ai i shënuar kundër Luzern e ka futur mesfushorin e kombëtares shqiptare në historinë e futbollit zviceran, për golin më të shpejtë të shënuar ndonjëherë.
Lenjani shënoi pas vetëm 10 sekondave lojë, në aksionin e parë të ndeshjes, që përfundoi me rezultatin 2-2: “Shumë i lumtur që jam futur në histori të futbollit zviceran për golin më të shpejt të shënuar. Falënderimi i takon Zotit”, ka shkruar Lenjani në Facebook
Në Superligën e Zvicrës, mesfushori shqiptar ka shënuar golin e shtatë në 24 ndeshje, duke i shtuar statistikave optimiste të sezonit të tij edhe 7 asist.
