Është një gol historik ai i Piatek në Stadium. Qendërsulmuesi polak, përvecse arriti Quagliarella në kuotën 21, është futur në klubin e lojtarëve të huaj që kanë patur një impakt të jashtëzakonshëm në Serie A, duke arritur të paktën në 20 gola në sezonin e tyre të parë italian. Piatek është gjithnjë e më i ngjashëm me një tjetër bomber të madh të ardhur nga Lindja si Andrij Shevcenko që, në 1999-2000, në vitin e tij të parë kuqezi, e mbylli sezonin me 24 gola, duke u shpallur golashënuesi më i mirë i kampionatit.
Piatek, është -3 nga rekordi i Sheva por me ende 7 ndeshje në dispozicion, mund të mendojë për një objektiv edhe më të madh, sepse vendin e parë si sulmues të huaj debutues në Serie A e mban ende Ronaldo Fenomeni. Braziliani, në sezonin e tij të parë zikaltër, '97-'98, e mbylli në kuotën e 25 golave, për më tepër në vitin e Topit të Artë.
Katër gola e ndajnë sulmuesin polak nga një legjendë e vërtetë në futboll. Mesatarja e monstruoze e golave të Piatek, me gati një gol për ndeshje, 0,70 për të qenë precizë, premton një finale sezoni triumfal. Nëse Pistolero do të mbajë të njëjtin ritëm, do ta mbyllte me më shumë se 26 gola sezonin, duke lënë pas shpine Ronaldo e Shevcenko duke u bërë, me tym pistoletash, shënuesi më i mirë i huaj i të gjitha kohërave në vitin e parë në Itali.
