Nëse nga njëra anë Anglia ekonomike e politike po organizon daljen nga Europa, futbolli ka rrëmbyer skenën, duke vendosur katër skuadra në tetë, në gjysëmfinalet e Champions ed Europa League. Liverpool, Tottenham, Arsenal e Chelsea me mundësinë të kenë dy finale të të njëjtës gjuhë. Një fakt që nuk ndodhte prej 35 vjetësh e ëndërra është ajo që të thyejnë dominimin spanjoll të viteve të fundit.
E ka bërë përmes një futbolli spaktakolar ku mendohet vetëm të sulmojnë dhe jo të mbrohen: mjafton të shohësh Manchester City-Tottenham 4-3. Natyrisht e kanë përmes me shpenzime gjigante, por edhe të ardhurave nga e drejta televizive, që është shumë më e lartë se në kampionatet e tjera.
E tani skena, pas viteve të vështirë të dominimit të Barcelona e Real Madrid, është përsëri e tyre. Është Liverpool që kërkon të shkojë edhe një herë në finalen e humbur vitin e kaluar kundër Blancos e duhet të sfidojë blaugrana. Nga ana tjetër është Tottenham, që pa Kane duhet të bëjë llogaritë me djaloshët e tmerrshëm të Ajax. Në ishull shpresojnë në një derbi në finale, 11 vjet pas atij Manchester United-Chelsea në Moskë.
Në Europa League muzika nuk ndryshon me Chelsea e Arsenal. E tek Blues është Maurizio Sarri, që përcaktohet "Mr Europa": "Kam fituar 18 ndeshje në 22 në Europa League". Me tre fitore të tjera, tekniku toskan mund të cojë në Londër treofeun e tij të parë në karrierë. Eintracht Frankfurt është i paralajmëruar. Rrethin e mbyll Arsenal, që eleminoi Napoli e tani do të sfidojë Valencia. Football's coming home.
