Shqipëria është zyrtarisht pjesëmarrëse në Festivalin e Filmit në Kanë në kategorinë e filmave me metrazh të shkurtër.
Është filmi “The Van”, bashkëprodhim shqiptaro-francez me regji të Erenik Beqirit, një film që i rezistoi përzgjedhjes midis mijërash, pastaj qindrash e deri ne listën e përmbledhur finale (short list), në të cilin intrepretojnë Arben Bajraktari, Afrim Muçaj dhe aktori francez 27 vjeçar, Phénix Brossard, i cili vetem në pak kohë numëron më shumë se njëzet role.
Ndërkohë regjisori, gjithaq i ri, nisi të shkruante skenarë e të drejtonte shesh-xhirime që në kohën e studimeve, por tre filma, të gjithë të metrazhit të shkurtër, numëron pas shkollës: “Alfonso”, “Bon Appetit” dhe “The Van”, dy të parët thuajse me vetë-financim. Për “Bon Appetit” është nderuar me dy çmime në festivale, në vitet 2017 dhe 2018.
https://m.festival-cannes.com/fr/infos-communiques/communique/articles/les-selections-des-courts-metrages-au-72e-festival-de-cannes
