Rama kishte premtuar se që një vit më parë do rë fillonin punimet për aeroportin e Vlorës, por sot, 10 muaj më pas ëndra e investimit më të madh të ardhur nga Erdogani është shuar. Konsorciumi turk i kompanive Cengis Construcion, Kalyon Construction dhe Kolin Construction, i lidhur shumë fort me pushtetin e Rais-it të anadollit është tërhequr nga koncesioni për zhvillimin e Aeroportit të Vlorës. Sipas burimeve nga ministria e Infrastrukturës turqin nuk kanë zbatuar afatet e vendosura për koncesionin nga qeveria shqiptare. "Ka përfunduar afati i ligjit për koncesionin e ‘Vlora International Aeroport’ që në shtator të vitit 2018. Konfirmojmë zyrtarisht se do të ketë një garë ndërkombëtare për ‘Vlora International Aeroport’ pasi interesi është i madh nga investitorët” thuhet në njëoftimin e ministrisë.
Kurioz është fakti së më tepër sesa një projekt rentabël ekonomikisht kjo nismë pati nisur një një fryt i mardhënies Rama Erdogan. vetë kryeministri shqiptar, pas një vizite në Turqi tek presidenti turk në janar 2018 shpalli interesin e kompanive Cengis Construcion, Kalyon Construction dhe Kolin Construction për ndërtimin e aeroportit. Vetë Rama tha se përpos kësaj vepre, presidenti turk Rexhep Tajip Erdogan do ta “ndihmonte” me krijimin e një kompanisë ajrore shqiptare.
Mos e humb:
Analiza/ Ku po e çon vendin lidhja okulte Rama- Erdogan?
Sipas Ramës, puna për ndërtimin e aeroportit do të fillonte në qershor 2018. Qeveria më pas hartoi një ligj të posaçëm për këtë koncesion që lejonte negociim të drejtëpërdrejtë mes qeverisë dhe konsorciumit turk, pa zbatuar ligjin e prokurimit publik. Në janar të vitit 2018 euforia ishte e plotë. Ish ministri Gjiknuri deklaronte se në këtë vepër të re do të punësoheshin mbi 1000 vetë ndërsa ish ministri i Financave Ahmetaj thoshte se fillimisht ai do të kishte rreth 600 mijë pasagjerë me një rritje prej 7% në vit.
https://youtu.be/1COMuakjZlY
https://youtu.be/xVUNO-OWF5w
Ky ligj special u kritikua nga Komisioni Evropian për shkelje të parimeve të MSA-së. Exit.al që ka investiguar për këtë temë ka hedhur dy versione për dështimin e projektit turk. I pari lidhet me hetimin e Brukselit dhe i dyti me tërheqjen e kompanive turke pas humbjes së AKP në zgjedhjet e Stambollit. Sipas kësaj mediaje kryeqyteti ekonomik i Turqisë ishte hambari i parave për kompanitë kliente të Erdoganit dhe me humbjen e këtij bastioni investimet e tyre ndërkombëtare janë tkurur.
