Puna për merkaton ka nisur për Juventus, e jo vetëm në zërin e hyrjeve. Emrat në tavolinën e drejtuesve bardhezinj do të varen edhe nga shumë oferta të marra, por ka edhe një histori që nuk ngjan me asnjë tjetër: ajo e Gonzalo Higuain, që duhet trajtuar me shumë kujdes. I huazuar tek Milan, e më pas i kaluar tek Chelsea (që ka zbuluar edhe formulën e blerjes: huazim me të drejtën e blerjes) është, gati e sigurtë që argjentinasi do të rikthehet në Torino, duke qenë se Blues nuk kanë ndërmend të ushtrojnë të drejtën e blerjes, në kohën kur edhe Maurizio Sarri është drejt largimit.
Ky është motivi, që sipas asaj që bën të ditur La Stampa, drejtori sportiv Paratici ka provuar ti propozojë Pipita spondit tjetër milanez, ndoshta duke patur në mendje edhe rastin Icardi: "Inter, mos rastësisht të duhet Gonzalo?". Idea nuk është se i ka ngrohur drejtuesit zikaltër dhe Marotta me shumë xhentilesë i është përgjigjur jo mikut dhe kolegu të tij.
Tani cështja më e nxehtë është Higuain, që është kthyer në duart e Juventus. Me Cristiano Ronaldo të paprekshëm, Mandzukic që duhet të rinovojë, Kean në rritje të plotë dhe kërkimet për një sulmues mbështetës (Chiesa ose Joao Felix), hapësirat për argjentinasin do të ishin më shumë se të reduktuara. E me një pagesë të tillë, rreth 12 milionë euro në vit, të bësh sulmuesin e pestë në hierarki do të ishte një luks edhe për bardhezinjtë që deri në fund të verës duhet ti gjejnë një sistemim të ri.
