Pas një sezoni të suksesshëm televiziz të Hell’s Kitchen i cili u transmetua për herë në ekranin e “Top Channel”, shumë shpejt do të kemi edhe një rikthim të tij.
Por kësaj radhe duket së gjërat do të jenë tërësisht ndryshe. Dhe nuk e kemi fjalën për Renaton, sepse siç është shprehur edhe ai do të jetë po i njëjti. E kemi fjalën për ambientet e “Hell’s Kitchen Albania 2” të cilat do të përfshijnë një kuzhinë moderne dhe gjigante, pishinë dhe kopsht ku konkurentët do të mund të relaksohen nga nervat e kuzhinës.
Renato ka ndarë detajet e para në rrjet dhe ja si shprehet:
“Hell’s Kitchen Albania 2. Jeni gati?Kjo që po ndodh në studion më gjigande “Nova” të Top Channel, që për herë te parë hapet për Hell’s Kitchen, nuk ka ndodhur kurrë më parë në nje Reality Show gatimi. Çdo gjë nga e para: një kuzhinë moderne dhe gjigande, shtëpia më luksoze që ka pasur një Reality Show gatimi deri më tani, pishina dhe kopshti ku do të relaksohen konkurrentët nga nervat e kuzhinës, stresi mes tyre si edhe shumë surpriza të tjera na presin këtë sezon. Bëhuni gati, unë nuk do të ndryshoj, Hell’s Kitchen po!”
Renato ka sqaruar gjithashtu se emisioni i fëmijëve për të cilën kishte premtuar se do të fillonte këto kohë, për shkak të angazhimeve me “Hell’s Kitchen” shtyhet për një moment tjetër.
