Qëndim të njëjtë ka mbajtur në një koment të tij edhe Zëri i Amerikës. Sipas raportimit të saj ” Presidenti francez, Emmanuel Macron, tha se nuk synohet “imponimi i një zgjidhjeje për Beogradin dhe Prishtinën. Ne dëshirojmë që të shqyrtojmë gjitha mundësitë, por edhe të shmangim tensionet e mundshme në rajon të cilat mund të ndodhin për shkak të mundësive që janë në tryezë”.
Kuptohet qartë se me “tensione të mundshme në rajon” kuptohet ai që nga analistët është konsideruar si hapje e Kutisë së Pandorës në Ballkan dhe krijimi i një sfekti zninxir që do të bënte që edhe kufijtë e Bosnjës, Maqedonisë apo Kroacisë të kërkonin rishikim.
Pra, për Makronin “kjo mundësi që ndodhet në tryezë është e paparanueshme”.
Lexo më tej:
VOA: Samiti i Berlinit u dha fund ideve të Thaçit dhe Vuçiç për ndryshim kufijsh
Ky qëndrim që do të tubonte edhe Parisin përkrah qëndrimit të konsistent të Berlinit do të qe një asgjesim i idesë të çmendur që u hodh që në gusht të vitit të shkuar në Vuçiç dhe Thaçi. Ky i fundit edhe në Berlin e shprehu mosaprovimin e tij duke theksuar në më se një rast se Evropa është e dobët dhe se konflikti serbo shqiptar nuk mund të zgjidhet pa ndërmjetësimin e ShBA-ve. Ende nuk dihet nëse reagimi i presidentit kosovar që akuzohet se u fut në këtë aventurë për të shpëtuar veten nga Gjykata e Hagës erdhi nga goditja që iu bë në Berlin këtij plani, apo nëse ai ende shpreson në mbështetjen që i dha atij verën e shkuar këshilltari për sigurinë i Donald Trumpit, John Bolton. ©Lapsi.al
