“Avengers: Endgame” mund të bëhet filmi më i shikuar në historinë e kinemasë. Aktualisht ka kaluar në arkëtime “Titanic” dhe po vrapon drejt “Avatar“. Kapitulli i 22-të i sagës së shtëpisë “Marvel” ka arkëtuar mbi 2.2 miliardë dollarë, i duhen edhe 500 milionë për të arritur “Avatar”, që në vitin 2009 arkëtoi rreth 2.7 miliardë dollarë.
Pas kësaj arritjeje erdhi edhe reagimi i regjisorit të “Titanic”, legjendarit James Cameron: “Për të gjithë njerëzit në ‘Marvel’…Një ajsberg mbyti Titanikun e vërtetë. Iu desh “Avengers’ që të mbysin timin. Çdokush në ‘Lightstorm Entertainment’ iu përgëzon për arritjen e jashtëzakonshme. Na treguat se industria e filmit jo vetëm që është gjallë, por është më e madhe se kurdoherë”.
