Revista “Gente” i ka dedikuar një set të plotë fotografik ndaj Mauro Icardi dhe Wanda Nara. Asgjë e re nëse mendojmë se të tilla gjëra kanë ndodhur dhe me David e Victoria Beckham apo, duke mbetur në Itali, me Bobo Vieri e Elisabeta Canalis. Ndryshimi në këtë rast është se fotot e çiftit Icardi nuk janë pranuar të gjithë me buzëqeshje.
Sipas asaj që shkruan revista, "drejtuesit zikaltër i kishin kërkuar edhe më parë argjentinasit që të ruante përulësinë, gjëja e duhur për të zbutur shpirtrat pas polemikave të muajve të kaluar. Apeli, siç është bërë e ditur, nuk ka pasur një përfundim të mirë. Dhe, pasi në shkurt i është hequr shiriti i kapitenit, tani që është duke u hapur merkato e futbollit dhe në tavolinë është rinovimi i kontratës, rezultati i mirë i tratativave duket gjithmonë e më i pamundur.
E gjithë cështja duket se vërtitet rreth pyetjes: a do të jetë koha për çiftin Icardi për të lënë Milanin dhe apartamentin prej 440 metrash katror me pamje nga stadiumi “San Siro”? Të tjera zhvillime priten, me tifozët të gatshëm për të shpërthyer dufin e tyre. Më keq se kaq nuk ka ku të shkojë për sulmuesin, që duhet thënë, një të ardhme si model nuk ia heq askush. Ose si pop star, nga ato transgresiv dhe gjithmonë në gojën e të gjithëve.
