Një poker prej thuajse 10 milionë eurosh në vit. Ky është totali i pagave të katër drejtuesve të lartë të Milan, sipas shifrave që raporton “Calcio & Finanza” që i referohet burimeve afër shoqërisë kuqezi. Më i paguari duket se është Ivan Gazidis me 4 milionë euro bruto në vit, i ndjekur nga Leonardo me 3,5 milionë, i treti Paolo Maldini me 1.8 milionë dhe në fund Scaroni me një pagë prej 500 mijë eurosh.
Për Gazidis, CEO i klubit, ka një rritje të lehtë krahasuar me 2,93 milionë euro neto të fituara në 2017-ën te Arsenal. Jeta prej drejtuesi i ka ecur mirë edhe brazilianit Leonardo, që në 2009-10 si trajner kuqezi merrte 1.2 milionë euro neto, ndërsa tani është edhe më mirë si përgjegjës i zonës teknike. Shifra më të ulëta për Maldini dhe presidentin Scaroni që në total fitojnë rreth 9.8 milionë euro bruto.
