Nasser Al-Khelaifi, presidenti i Psg, është akuzuar për korrupsion në lidhje me dorëzimin e Botërorit 2017 të atletikës në Doha (më vonë organizuar në Londër): burime të drejtësisë kanë zbuluar për AFP se pronari i klubit parisien rrezikon një proces për "korrupsion aktiv" sepse i ka dhënë aprovim një pagese prej 3,1 milionë euro në favor të Lamine Diack, ish-presidenti i Federatës Ndërkombëtare të Atletikës. "Akuzat janë të bazuara në asgjë" pretendon Francis Szpiner, avokati i Al-Khelaifi
"Emri i Al-Khelaifi nuk shfaqet në asnjë dokument - shpjegon avokati i pronarit të Psg -. Inkriminimet nuk janë të bazuara mbi asnjë provë bindëse". E gjithë duket se nis nga një keqkuptim sipas tij: "Seanca e parë dëgjimore e Al-Khelaifi ishte kërkuar sepse gjykata ka ngatërruar Oryx QSI, shoqëri private e administruar nga i vëllai, me QSI, fondi që ka Al-Khelaifi si president".
