Dukej një fushatë publicitare e zakonshme. E ndërkohë është kthyer në një debat mes racistëve e jo. Protagonisti padëshirë është James Harden, ylli i Houston Rockets e lojtari më i mirë i sezonit të kaluar në Nba e në garë për të qenë më i mirë edhe në këtë edicion. Një që në 2018-19 ka fituar 30,4 milionë dollarë, i dhjeti më i paguar mes yjeve të baskettbollit më të famshëm në botë. Mjekra e tij ikonike e ka bërë një nga basketbollistët më të njohur, nga Houston deri në Kina. Është lojtari më i famshëm nën kontratë me Adidas, motiv për të cilin kompania gjermane e ka zgjedhur për fushatën promovuese të uljeve në 70 vjetorin e aktivitetit. Imazhi i zgjedhur është Harden me fytyrë të egërsuar që tregon tutën e sponsorit të tij.
Vetëm se në Facebook ky imazh është kthyer në cështje. "E ty kush të ka nxjerrë nga kafazi?" është komenti më xhentil. Sepse tonet kaluan nga "sigurisht që është i shëmtuar..." tek "E kanë përdorur vetëm se është me ngjyrë" për të përfunduar në fyerje të rënda dhe referime negative për emigrantët e qendrave pritëse. Në mbrojtje të Harden janë vendosur të apasionuarit pas basketbollit, por postimi është kthyer menjëherë në një debat politik.
