E mbyll me një humbje sezonin Paris Saint Germain, që e mbylli Ligue 1 me një disfatë 3-1 në fushën e Reims, ku protagonisti negativ ka qenë portieri 41 vjecar Gianluigi Buffon: italiani ka gabuar si në rastin e avantazhit të Baba në të 36', ashtu dhe në dyfishimin e Cafaro. Pikërisht në kohën kur përflitej rinovimi ose jo i ish-portierit të Juventus nën Kullën Eiffel, Buffon duket se i ka dhënë vetë zgjidhjen teknikut Tuchel, që kishte deklaruar se rotacioni i portierëve duhet të marrë fund, duke u shprehur në favor të Areola.
Psg mbyll kështu një kampionat të dominuar, me një humbje, e pesta në kampionat, ku janë regjistruar 29 fitore e katër barazime. Në Reims kampionët e Francës rrëzohen falë një përfaqësimi për tu harruar nga Buffon. Avantazhi i Reims fiksohet në të 36 kur Abdul Baba e kalon topin nën këmbët e Buffon. Ish-portieri i kombëtares italiane i komplikon më keq punët në të 56',kur Doumbia gjen të lirë Cafaro, por edhe pse e ka në duar trajektoren nuk shmang dot golin.
Psg kthehet në lojë me Mbappe në të 59' por kur kërkohej barazimi Reims shënon të tretin me një kundërsulm të finalizuar nga Chavarria, që kalon edhe portierin, përpara se të vulosë ndeshjen.
https://www.youtube.com/watch?v=-GBY6c1uDwM
