Marc Marquez nuk gabon praktikisht asgjë në Mugello, duke përdorur një përzierje tinzare, shpejtësie dhe dinakërie. Piloti spanjoll i Honda ka qendruar i fshur, për të kryer më pas shpërthimin fitues dhe vendimtar në provën e fundit, duke shfrytëzuar plotësisht rrëshqitjen e Andrea Dovizioso. Numri 93 ka pritur rivalin e tij direkt në luftën për titull dhe më pas e ka sulmuar duke i rrëmbyer fitoren e 56 në kualifikuese, gjatë karrierës, falë një kronometrimi 1’45”519, që është edhe rekord i ri i pistës.
Keqardhja mbetet në fytyrën e Dovizioso, e përzier edhe me zemërim: sepse përtej sensacionit, italiani ka kuptuar se ka përballë një rival që përveç aftësive ka edhe dinakërinë një armë të fortë. Në rreshtin e parë, në Mugello, do të jetë një Dukati dhe ajo është e Danilo Petruzzit (+0”362). Pavarësisht gjendjes jo të mirë fizike, piloti nga Terni ka marrë vendin e tretë, përpara një super Fabio Kuartaros.
Ai që zhgënjen përsëri është Valentino Rossi. Pamja e tij është një përzierje e hutuar, dyshimesh dhe pikëpyetjesh në kërkim të përgjigjeve që nuk duket se janë. Kjo e shtunë në Mugello për Rossi është e zezë sa nuk thuhet. Një kualifikim për t’u harruar për 46-ën, që nesër do ta nisë garën nga vendi i 18-të në radhën e startit, të cilën nuk e gjen që në 2006-ën në Asen. Pasditja e Doktorit është një tmerr në të gjitha efektet, mes një Yamaha që 'lodhet', në sektorin e tretë të pistës dhe një strategjie në bokse, që e ka penalizuar përsëri, aq sa nuk e arrin provën finale prej kohësh.
