Duke dëgjuar muzikë melankolike; Isaac Carew nuk po i mban dot për vete emocionet pas ndarjes nga Dua Lipa.
Që dje, Isaac poston në Instagram video ku shpreh trishtimin ndërsa në një postim tashmë të fshirë, ai tregoi se i është thyer zemra përmes një fotoje të Bob Dylan, ku ky duket shumë i trishtuar.
“Një prezantim vizual i mënyrës sesi ndihem brenda”, shkruajti Isaac, që e plotësoi postimin e tij me ikonën e një zemre të thyer.
Ishte tentativa e dytë e Dua-s dhe Isaac-ut për t’ia dalë së bashku.
18 muaj më parë, ata u ripajtuan pas një ndarjeje në shkurt të 2017-ës.
Ata janë njohur që në 2014-ën.
Pas ribashkimit në 2018-ën, Isaac u bë kryefjala e medias pasi u fotografua shumë pranë me një person në një klub në Londër.
Pas kësaj, ai e mohoi tradhtinë dhe e vijuan lidhjen, ndërsa Dua e mori me vete në Met Gala-në e saj të parë në maj.
