Në rubrikën “Për drekë me mua”, tek e “E diela shqiptare” ditën e sotme ishin të ftuar disa personazhe të njohur publikë, konkretisht, këngëtarja Artiola Toska, Pirro Çako dhe Mirela Milori.
Kësaj here ishte Artiola Toska ajo e cila kishte shtruar një drekë për të ftuarit e saj dhe teksa dëgjonim bisedën mes tyre, na tërhoqi vëmendjen pyetja që Blerina Bombaj i bëri Pirros: “A je i lidhur me ndonjë gocë? Sqaroje gjithë këtë publik, gjithë këto goca të reja beqare që janë të interesuara ta dinë.”
Ndërkohë Pirro pa u menduar gjatë u përgjigj: “Njeriu nuk është bërë për të jetuar vetëm. Të gjithë kemi nevojë për dikë. Aktualisht jam në një shoqëri shumë të mirë, ndihem shumë komod, shumë mirë dhe shpresoj që të vazhdojë kjo gjë.”
