Cardi B është betuar se nuk do shkojë më nën thikë.
Reperja me anë të një postimi në Twitter u tha fansave se nuk do bëjë më ndërhyrje kirurgjikale pas ndërlikimeve që i shkaktuan probleme fizike dhe anulimin e koncerteve. "Kurrë nuk do bëj më ndërhyrje kirurgjikale,"-tha 26-vjeçarja. Cardi B tregoi këmbët e fryra dhe të ënjtura për shkak të ndërhyrjeve kozmetike.
"Shikoni si më fryhen këmbët sa herë që marrë frymë,"-shtoi ajo. Muajin e kaluar reperja u detyrua të anulonte disa nga koncertet e saj për shkak të probleme shëndetësore që iu shfaqën nga operacionet e shumta që ka bërë në pjesë të ndryshme të trupit.
