Investigimi i “Mother Jones”/ Sa kanë paguar rusët për Bashën në ShBA?
Pas këtij zbulimi në opinionin publik shqiptar kanë ecur paralelisht dy pista.
E para ajo se me anë të një shoqërie guackë “Biniatta Trade LP” e cila ishte një nga pagueset e shumës 675 mijë euroshe që i ishin derdhur për llogari të PD-së, paria më e madhe e opozitës ka qenë e financuar nga oligarkë rusë të lidhur me Putinin. Ky version i shkoi shumë për shtat rilindjes e cila me anë të saj gjene alibinë se PD po shan shqipërinë në gjuhë të huaj për ti bërë dëm vendit.
E dyta ishte ajo se Lulzim Basha ka shkelur ligjin shqiptar duke mos deklaruar pranë KQZ-së këto pagesa. Mbi të bie hija e dyshimit se ka fshehur origjinën e këtyre parave. Ende sot disa pyetje kanë mbetur pa përgjigje: Askush nuk e di si i ka siguruar dhe si i ka paguar PD-ja ato para. Askush nuk e kupton pse nuk i ka deklaruar ato. Askush nuk mund të bindet me alibinë e Bashës për donacione të emigrantëve shqiptarë të pa emër dhe të pa adresë. Pikërisht mbi këto fakte dyshohet se po heton prokuroria.
Andi Bushati: Pse duhet kjo përrallë me spiunë të Kremlinit?
Në një deklarim të bërë në 25 mars 2019, pra një muaj pas djegjeve të mandateve dhe protestave opozitare, me tone shume politike prokuroria i “përgjigjej interesimit të mediave” duke e justifikuar kështu veprimtarinë e saj: “kanë rezultuar dyshime të arsyeshme të bazuara në prova se ka një diferencë thelbësore mes deklarimeve të bëra zyrtare për shpenzimet e bëra nga subjekti PD dhe shpenzimeve reale që ky subjekt ka bërë. Ky subjekt ka deklaruar vetëm shumën prej 25 000 dollarësh, dhe nuk ka bërë deklarime për shumën prej 650 000 dollarësh. Sipas akteve të ardhura nga letërporositë e mbërritura nga SHBA-ja dhe Skocia, rezultojnë në mënyrë të qartë pagesat e bëra dhe të padeklaruara, çfarë nënkupton se subjekti PD nuk ka bërë asnjë deklarim për këto pagesa në kundërshtim me ligjin”.Kush është lobisti i Bashës, Nick Muzin ish-këshilltari i senatorit Ted Cruz
Por dyshimet janë se nëse shumica qeverisësse e ka përdorur për propagandë retorikën e parave ruse, ajo po përdor në të njëjtën masë edhe cështjen juridike për intereesat e saj politike. Disa kohë më parë Lapsi.al hulumtoi në një shkrim krahasuaes gjuhën justifikuese që organi i akuzës përdorte kur ishte rasti për moshetimin e Vangjush Dakos dhe gjuhën akuzuese kur fliste për fajësinë e Bashës. (Lexo këtu) Në këtë linjë ka dalë dje edhe sekretari i PD Gazmend Bardhi që ka theksuar se Rama po e përdor prokurorinë për këtë shtje sa herë gjendet në vështirësi Ai ka evidetuar përkimet kohore se si kjo aferë ka dalë në plan të parë sa herë dilte një problem me dosjen e Tahirtit, Fatmir Xhafës apo Vangjush Dakos dhe tani në prag të 30 qershorit (Lexo këtu) Natyrisht nuk ka dyshim se kësaj çështjeje i duhet shkuar deri në fund dhe se do ishte në të mirën e të gjithëve që pikpyetjet e ngritura më lart të zbardhen për publikun. Do ishte po ashtu në interesin public që të tregohej se Lulzim Basha nuk është një njeri mbi ligjin dhe të jepte llogari për veprimet e tij. Por aq sa i rëndësishëm është ky dimension i drejtësisë, para së cilës të gjithë duhet të jenë të barabartë, po aq të rëndësishme janë edhe dyshimet se në këtë rast kemi të bëjmë me një hakmarrje selektive. Koha kur lideri i opozitës po merret si i pandehur, përkimet kohore të ndezjes së kësaj çështjeje sa herë mazhorana është në hall, si dhe gjuha që prokuroria ka përdorur në deklaratat e saj të bëjnë të dyshosh jo pak. Pavarësisht teatrit banal të kryeministrit me militantët e tij që bënte sikur nuk dinte gjë për marrjen të pandehur të rivalit të tij politik (lexo këtu), idiciet e një hetimi që po përdoret janë shumë të forta. Dhe këtu rreziku nuk lidhet me Bashën, Ai është më i madh. Ai ka të bëjë me riskun e një faze të re ku drejtësia po kalon nga pasiviteti kundrejt të gjitha palëve në goditjen e krahut më të dobët. Dhe efektet e një drejësie të tillë i kemi ende të pa shkulura nga memoria. ©Lapsi.al
