"E ardhmja? Kam tre vjet të tjerë kontratë me Juventus e jam i bindur që do qendroj". Nga Capo Verde, ku po kalon pushimet, Douglas Costa fshin cdo dyshim mbi qendrimin e tij në Torino. Sulmuesi i krahut brazilian ka folur edhe për teknikun e ri të bardhezinjve, Maurizio Sarri: "Nuk e njoh personalisht, por e kam parë të punoj në Napoli. Ka bërë një sezon fantastik e besoj se do të bëjmë gjëra të mëdha".
I përfolur si pranë Manchester United (si pjesë e këmbimit në cështjen Pogba) e Psg, Douglas Costa e ka bërë tashmë të qartë se dëshiron të qendrojë në Torino, ku vitin e ardhshëm do të ketë një konkurent më shumë, Aaron Ramsey. "Nuk e njoh personalisht as Ramsey, sepse ndjek më shumë Serie A se Premier League. Por nëse Juventus e ka marrë atëherë është një lojtar i madh. Juventus nuk blen lojtarë të nivelit mesatar".
Për luftën titull të sezonit të ardhshëm, braziliani pranon se "cdo vit është më e vështirë, tani që Conte është tek Inter, e tek Napoli është Ancelotti. Të gjithë forcohen, do të jetë një kampionat shumë i vështirë, por prioriteti ynë është të përmirësohemi cdo ndeshje edhe në Champions. Është objektivi ynë kryesor, edhe pse Juventus kërkon të fitojë cdo turne ku merr pjesë".
