Plotësohet kuadri i drejtimit të Milan. Siç pritej, klubi kuqezi njoftoi se që nga 1 korriku i vitit 2019 Frederic Massara zyrtarisht do të jetë drejtori sportiv i ekipit të parë. Massara do të raportojë direkt te Drejtori i Zhvillimit Strategjik të Sektorit Teknik të Klubit, Paolo Maldini dhe do të bashkohet me Zvonimir Boban, të cilit i është dhënë roli i Shefit të Futbollit.
"Ne jemi shumë të lumtur për të mirëpritur Frederic në skuadrën tonë të punës - tha Paolo Maldini - Falë përgatitjes së tij, seriozitetit dhe profesionalizmit ai do të jetë një vlerë e shtuar për Milanin dhe do të jetë funksional për strategjitë që do të ndërmerren në rrugën tonë të rritjes".
https://twitter.com/acmilan/status/1142085763162619912
