Problemet me drejtësinë nuk kanë përfunduar për Loredana Zefin!
Hetimet për skandalin e mashtrimit të çiftit zviceran vijojnë dhe tani prokuroria atje ka ndërmarrë një hap që me sa duket do t’i kufizojë jetën e luksit reperes shqiptare.
Me një vendim të fundit, Gjykata Kantonale e Luzernit tregon se zyra e prokurorit publik ka bllokuar të gjitha llogaritë bankare të reperes, në lidhje me hetimin.
Ky veprim ndërmerret nga autoritetet kur dyshohet se paratë e saj vijnë nga burime të dyshuara. Reperja ka kërkuar të mos i bllkohen llogaritë, por një gjë e tillë nuk është pranuar, raporton zentraplus.ch.
Media shkruan se reperja e lindur në Kosovë vesh xhaketa të shtrenjta të markës “Louis Vuitton” që kapin shifrat 4400 franga.
Hetimet mbi skandalin do të zgjasin me muaj dhe deri sa të konfirmohet burimi i parave të Loredanës, kjo e fundit nuk do të mund t’i përdorë dot.
