Mëngjesin e djeshëm menaxheri i reperit me origjinë shqiptare, Azetit, Sefa Kaya humbi jetën pas një aksidenti tragjik në autostradën Prishtinë-Ferizaj. Sefa Kaya ishte vetëm 25 vjeç dhe ndodhej në Kosovë për të finalizuar datat e koncerteve të shumta të Azet këtë verë.
Sipas “Prive”, sot jo zyrtarisht po flitet se Azet i tronditur nga kjo humbje po shqyrton anulimin e të gjitha koncerteve të cilat ishin caktuar pikërisht nga menaxheri. Na mbetet të presim për të parë nëse Azet do t’i mungojë fansave këtë verë apo do e kthejë dhimbjen në forcë për suksese të reja.
Pas lajmit tronditës, Azet bëri një dedikim shumë të ndjerë kushtuar menaxherit të tij të cilin e quan vëlla.
“Ti ishe vëllai im, partneri im, njeriu që ishte me mua 24 orë. Do vrisja për ty dhe do vdisja për ty. Tani ti na ke lënë. Allahu të pranoftë në Parajsë. Nuk mund ta pranoj. Sefa, vëllai im”, shkruante Azet./Burimi:Prive
