Zoe Kravitz ka lidhur lidhur kurorë me aktorin Karl Glusman në shtëpinë e atit të saj Lenny në Paris.
Çifti bëri premtimet për një dashuri të përjetshme para një numri të madh të ftuarish nga bota e Hollivudit, një muaj pasi celebroi dashurinë në fshehtësi, raporton People.
Shumë të famshëm mbërritën në ceremoninë intime në Paris të shtunën, përfshirë Denzel Washington, Eddie Redmayne dhe supermodelja Cara Delevingne.
Në këtë ditë të rëndësishme për Zoe-n ishin dhe koleget e saj nga seriali “Big Little Lies”, përfshi këtu Nicole Kidman, Reese Witherspoon dhe Laura Dern.
Dasma u mbajt në vilën e babait të Zoe-t, Lenny Kravitz, e cila i përket shekullit të 18-të. Këngëtari i famshëm ka jetuar aty për 13 vite.
Zoe dhe Karl u njohën përmes shoqërisë së përbashkët në një bar, dhe në atë kohë aktorja as nuk po kërkonte një lidhje serioze!
Por gjërat me sa duket shkuan aq seriozisht saqë tani ata janë burrë e grua!
