Këtë fundjavë do të zhvillohet në Francë dasma e dytë e çiftit të njohur Joe Jonas dhe Sophie Turner.
Të gjithë janë fotografuar në festën përpara dasme të organizuar nga çifti. Në fotot e publikuara nga mediat e huaja Sophie shfaqet më në formë se kurrë e veshur me një fustan të bardhë të thjeshtë deri në fund të këmbëve dhe me flokët e mbledhura.
Gjithashtu në festë është parë edhe një nga dëshmitaret e saj, kolegia e serialit “Game Of Thrones” Maisie Williams. Ajo ka mbërritur më vonë se të ftuarit të tjerë pasi ndodhej me pushime me të dashurin e saj.
