Përgjigjet e kundërpërgjigjet në merkato ndonjëherë janë edhe cështje prestigji. Pasi pa ti rrëmbehej nga Juventus mesfushori, Adrien Rabiot, Paris Saint Germain tentoi të befasonte bardhezinjtë duke i marrë Leonardo Bonucci. Qendërmbrojtësi ishte vënë në shënjestër nga drejtori sportiv i francezëve Leonardo de Araujo, por, sipas asaj që tregon Gazzetta dello Sport, gjërat ndryshuan nga një telefonatë.
Në mesin e pushimeve, telefoni i Bonuccit tingëlloi dhe në anën tjetër të saj ishte Maurizio Sarri. Një trajner, që sapo ka mbërritur në një klub të madh, kërkon ti japë besimin e tij lojtarëve kryesore të skuadrës, edhe përpara se ti takojë personalisht. Kështu Sarri e ka telefonuar Bonucci, sepse vjen apo jo De Ligt, mbrojtësi mbetet sidoqoftë shumë i rëndësishëm, brenda dhe jashtë fushës.
Tani vendimin mund ta marrë Bonucci, gjithnjë nëse ajo e Psg kthehet në një ofertë të vërtetë. Vështirë të imagjinosh se pas vetëm një sezoni i rikthyer, pas shumë pendimesh për ikjen e tij nga Torino e kalimin tek Milan, Leo mund të vendosë përsëri të bëjë gati valixhen. Por e qartë është se do të vendoset shumë nga mënyra e funksionimit të mbrojtësit në mekanizmat e Sarri-revolution. Për momentin besimi i dhënë është mjaftueshëm për ti dhënë qetësi Bonucci, por nëse gjërat ndryshojnë, telefonata nuk bën më punë.
