Finalja e sezonit të “Keeping up with the Kardashians” ishte plot të reja sa i takon çështjes Khloe Kardashian- Tristan Thompson- Jordyn Woods.
Episodi i xhiruar gjatë kohës kur u mor vesh se Tristan-i e kishte tradhtuar Khloe-n me mikeshën e ngushtë të motrës së saj, Kylie Jenner, pati plot momente emocionale edhe për Kylie-n.
Sidoqoftë, ishte shpërthimi i Khloe-s ai që të gjithë mezi ç’po e prisnin dhe dha plot për të folur.
Në nerva e sipër, bjondia e motrave Kardashian e quajti Jordyn-in “të shëndoshë”, çka nuk u pëlqeu aspak fansave.
Gjatë një telefonate me mikun e Tristan-it i cili i tha se Tristan po mohonte tradhtinë, Khloe nisi të bërtiste dhe ç’nuk i doli nga goja.
“Gënjeshtar! Gënjeshtar! Tristan, të marrtë dreqi nëse më dëgjon! Të dy ma pranuan, të dy! Të dy ato prapanica të shëndosha!”
Khloe është treguar herë pas here mbështetëse e të pranuarit të vetes dhe të njëri- tjetrit në çdo peshë, çka i bëri njerëzit ta akuzojnë për hipokrite.
“Khloe po tallet me peshën e Jordyn Woods-it”, shkruan dikush, “këto dobësohen për vete dhe pastaj harrojnë si kanë qenë.”
“Jo tamam Miss Pozitiviteti për Trupin “, shkruan dikush tjetër, “Shkëlqyen ngjyrat e saj të vërteta”
