E gjithë historia e merkatos për Joao Cancelo ishte flirti me portugezin i Manchester City, por duket se në fund lojtarin do ta marrë një tjetër klub. Bayern Mynchen është futur befasisht, por me insistim për mbrojtësin e Juventus, duke parakaluar praktikisht dhe idealisht Manchester City. Anglezët kanë një problem: përpara se të blejnë duhet të shesin. Por vonesat në kohët e nevojshme që duheshin për të pritur zhvillimin e tratativës i kanë dhënë mundësinë kampionëve të Gjermanisë të ndërhyjnë me prepotencë.
Bavarezët janë përfshirë tashmë fort dhe janë gati të vendosin në tavolinë 60 milionë të kërkuara nga Juventus për të lënë të lirë portugezin. Tani kontaktet me menaxherin e futbollistit janë shtuar dhe sapo të hapet rruga e lirë e kësaj tratative, klubi gjerman do të provojë të blindojë edhe krahun e majtë, pasi në të djathtin është padron Pavard, ndërsa Hummels në qendër është zëvendësuar nga Lucas Hernandez.
