Milan, pas Kruniç dhe Hernandez, ka bërë blerjen e tretë në merkato. Dje, pas një takimi me drejtorin sportiv të Empolit, Pietro Acardi, kuqezinjtë kanë mbyllyr për Ismael Bennacer për rreth 16 milion plus dy bonus. Një blerje që plotëson kërkesat e trajnerit Marco Giampaolo, i aftë për të punuar me një farë tipologjie lojtarësh.
Bennacer do të përdoret nga trajneri abrucez përpara mbrojtjes, në rolin e regjistit, ose mesfushorit-shkatërruese, dhe është mesfushori i dytë i blerë nga dyshja Boban-Maldini pas Krunic, i ardhur edhe ai nga Empoli. Për lojtarin një kontratë 5 vjecare me rreth 1.3 milion në sezon, një ofertë shumë më e madhe se ajo e Fiorentinës, e cila ishte në gjurmët e lojtarit prej kohësh. Milan kështu në ditët e ardhshme do të dedikohet për daljet, mbi të gjitha në krahun e majtë atje ku ka në skuadër katër mbrojtësa të majtë, apo dhe në sulm ku një mes Cutrone dhe Andre Silva do të iki menjëherë.
Skuadra pas pak ditësh do të mblidhet në Milanello, më saktë më 9 korrik, ndërsa trajneri do të prezantohet të hënën në ora 17:00 në klub. Në këtë mënyrë po lind Milani i ri, i përbërë nga të rinj interesantë, ndonjë bast për tu fituar, por të gjithë elementë funksionalë për lojën që kërkon trajneri Giampaolo. Një emër mbi të cilin kuqezinjtë insistojnë është Denis Praet, që mund të luajë si një gjysëm-sulmues, sikurse konfirmoi vetë presidentin Masimo Ferrero dje në mbrëmje në Sportitalia. “Praet është i jashtëzakonshëm. Korsi preferenciale? Nëse jam i saktë do të shkojë tek Milani. Giampaolo ishte i dashuruar me Praet, më thoshte të mos e shisja një vit më parë”.
