Aktori hollivudian Kevin Spacey prej rreth dy vitesh është i akuzuar për një sërë ngacmimesh seksuale dhe abuzimesh.
Ai ka marr rreth 15 akuza të tilla dhe njëra prej tyre vinte nga një djalë i ri, i cili e ka akuzuar aktorin se kur ishte në moshën 18-vjeçare dhe punonte në një lokal, Spacey e kishte dehur për ta sulmuar më pas.
Avokatët e aktorit të serialit “House of Cards” i kanë mohuar këto akuza duke pretenduar se i riu ka dashur të bëjë para në kurriz të aktorit.
Por ditët e fundit i riu i ka tërhequr akuzat ndaj Spacey-t. Ai vijon të jetë në hetim, ndonëse ka kërkuar shpalljen i pafajshëm nga të gjitha akuzat që i adresohen.
Për shkak të këtyre akuzave ai humbi kontratën me “Netflix” për serialin “House of Cards” dhe këtë periudhë është tërhequr nga kinemaja.
Kevin Spacey njihet si një nga aktorët më të vlerësuar në Hollywood dhe ka arritur të fitojë dy çmime Oscar.
