Skandali/ Publikohet biseda e përgjuar e Zaev kundër Thaçit dhe Vuçiçit (audio)
“Askush nuk ka ndarë me mua informacione, as Kosova dhe as Serbia sepse bëhet fjalë për çështje bilaterale. Roli ynë si miq ka qenë t’i motivojmë për zgjidhje” tha ai duke dredhuar se për kët histori kishte dëgjuar vetëm nga shtypi. Por ky version i Zoran Zaev i dhënë nën presion sa për ti bërë një dhuratë Thaçit, Ramës dhe Vuçiçit nuk qëndron dot asnjë sekondë në këmbë. E para se në bidedën me humoristët që u shtirën si personalitete të rangut të parë, kryeministri maqedon thotë se ka folur gjatë në telefon me Merkel dhe se ajo është shumë kundër kësaj ideje. Pra Zaev nuk ka lexuar gazetat por ka biseduar me kancelaren gjermane. Dhe këtu ai nuk mund ta gënjente presidentin ukrahinas me të cilin kujtonte se po fliste. “Ne jemi shumë kundër kësaj, kancerlarja Merkel është shumë kundër kësaj, i gjithë rajoni është kundër sepse ne kemi frikë se ka disa qëllime të fshehura të Rusisë për të përdorur këtë si një praktikë ndërkombëtare. Unë dua që t’ju vë në dijeni juve që të jeni të fokusuar, sepse unë dje kam folur me kancelaren Merkel për këtë ne kemi patu gjysmë orë bisede telefonike për këtë çështje sepse unë e shikoj që dikush kërkon ta përdorë këtë fenomen si një praktikë të re ndërkombëtare…” pohon Zaev gjatë bisedës. E dyta është se ai i thotë bashkëbiseduesit të tij të rremë se Maqedonia është aq e shqetësuar sa për këtë ka informuar edhe zv presidentin amerikan dhe sekretarin e shtetit: “Ne kemi informuar forcat politike amerikane. Madje unë kam informuar edhe vetë Zv/ Presidentin Pence dhe shefin e Departamentit Amerikan Z. Pompeo. Por ne kemi kërkuar zyrtarëve të lartë të Bashkimit Europian dhe sidomos zonjës Mogherini që të ndalojë këtë lloj aktiviteti sepse do ti shkarkojë një dëm të madh Ballkanit”. Po a nuk e di Zaev se amerikant i lexojnë vetë gazetat dhe se nuk kishte nevojë ti shqetësonte ata për gjëra që shkruheshin në shtyp? Mjaftojnë vetëm këto fakte për të kuptuar se shqetësimi i kryeministrit maqedonas për aventurën e ndryshimit të kufijve ka qnë i madh, se ai ka dashut ta përcjellë atë në ShBA dhe ta ndajë atë me Berlinin. Ky është konkluzioni që duhet nxjerrë nga kuthi që i bënë dy humoristët. Deklaratat e sotme nuk duhen marrë seriozisht sepse ato janë pirueta për të mbrojtur homologët Thaçi, Vuçiç dhe Rama. ©Lapsi.al
