Partizani i Franco Lerda humbi 0-1 në shtëpi ndaj Sheriff Tiraspol, në raundin e dytë të Europa League. Një ndeshje që nuk shkoi aspak mirë për Të Kuqtë që nuk arritën të dilnin në lojën e tyre. Pas ndeshjes tekniku italian tha: "Humbëm sepse ata bënë një gol. Ne nuk e bëmë në disa raste që patëm. Nuk e nisëm mirë ndeshjen. 10 minutat e para skuadra ishte e kontraktuar, edhe terreni nuk na ndihmoi të dilnim në lojën tonë. Me kalimin e minutave, morëm frenat e lojës dhe dolëm në lojën tonë. E thashë, në fillim patëm disa vështirësi, ishim të kontraktuar, sepse u goditëm edhe shumë shpejt. Këto sollën edhe disa gabime teknike".
Një hap pas kjo ndeshje e sotme, duke e krahasuar me ato ndaj Qarabag. "Ndaj Qarabag ne menduam dhe bëmë ndeshjen tonë. Sot, nga pësimi i golit, u prishën planet tona dhe ekuilibrat. Nuk arritëm që repartet të lidheshin gjatë 90 minutave. Nuk ishin në nivelin që e dua unë skuadrën", u shpreh trajneri i Të Kuqve. I pyetur për mungesën e golit te Partizani, italini tha: "Nuk ka asgjë. Skuadra thjesht nuk po arrin të shënojë. Ky është futbolli".
90 minuta të humbura, por me kualifikimin që vendoset në Moldavi: "Unë besoj, sepse kemi parë që kjo skuadër ka vlera për të përmbysur këtë rezultat në Moldavi. Ajo që duhet të bëjmë, është të minimizojmë gabimet", përfundoi Lerda.
