Kimi Raikkonen, ish-ferraristi, tani piloti i Alfa Romeo, është rrëfyer në një intervistë për motorsport.com, duke folur mbi të gjitha për jetën private. E duke komentuar kapitullin e librit të tij quajtur "gjashtëmbëdhjetë ditë", ka zbuluar se kishte jetuar i dehur, pikërisht gjashtëmbëdhjetë ditë rradhazi mes GP të Bahrain e atij të Barcellona në 2013.
"Si kam arritur ti kujtoj ato ditë? Nuk kam arritur në fakt - shpjegon -. Në pjesën më të madhe ma kanë kujtuar të tjerët. Bëmë xhiron e Europës e jemi zbavitur, nuk ishte hera e parë për ne dhe ishte normale. Duhej ta fshihja? Por nuk kishte asgjë të gabuar në këtë gjë. Ku është historia për të mos u treguar? Nuk ka asgjë të keqe. Ishte gati normale dhe ndodhte shpesh. Kapitulli i librit nuk tregon herën e vetme në të cilën kamë bërë dicka të tillë, zbavitesha. Tani që jam martuar e kam dy fëmijë, kam të tjera prioritete".
Raikkonen ngre dozat në një pjesë tjetër të intervistës: "Pija duhan kur isha i ri, tani nuk pi prej shumë kohe, nuk e mbaj as mend kur ishte hera e fundit. Nuk besoj se tymosja në mbledhjet me Lotus, si thuhet, po sigurisht në motorhome e në tarracë me shefin! Nuk e kishte problem? Sic duket jo. Njëherë mendoj se ndodhi në Abu Dhabi, më kujtohet. Nuk ka qenë kurrë problem ose të paktën sma tha kurrë! Të pija duhan e alkool e bëri mënyrën time të të jetuarit edhe më të mirë. Duhet të bësh cdo gjë që të bën të ndihesh mirë, e rëndësishme është të dish cfarë është e mirë për ty". Raikkonen i befason të gjithë, nuk ngjan aspak me atë që quhej Iceman...
