Kur pret një përgjigje që mund të ndryshojë skenarët, natyrisht nervozohesh. Kështu po ndodh edhe me Inter, që pavarësisht heshtjes nga Manchester vazhdon të mbetet me besim për ardhjen e Alexis Sanchez në Pinetina. Për momentin bisedimet janë ende të bllokuara: Sanchez mbetet në kontakt të vazhdueshëm me agjentin e tij Fernando Felicevich, duke shpresuar në një sinjal pozitiv nga ana e United, që insiston se propozimi zikaltër është i pakënaqshëm. Pengesa është ndarja e pagesës për rrogën e Sanchez, sepse anglezët nuk kanë ndërmend të shkojë përtej 50%.
Inter duhet të bëjë llogari të tjera për cështje bilanci e ka një tavan prej 4 milionë përtej të cilës nuk mund të shkojë. Sanchez – po të heqësh rrogat e korrikut e gushtit që do garantohen nga anglezët – duhet të marrë për këtë sezon 12 milionë të tjera e 4 milionët e Inter janë larg nga gjysma. I mbetet kështu United të pranojë të mbulojë pjesën e mbetur.
Ndërkohë, Alexis tek zikaltrit mund të jetë i detyruar të heqë dorë edhe nga dicka tjetër, ajo e fanellës me numër 7. Brenda të dielës Inter do të prezantojë listën me 25 emra për kampionatin – që mund të ndryshojë deri në 2 shtator, por nuk mund të modifikohet tek numrat e fanellave – e numri i preferuar i Alexis për momentin është prenotuar nga Mauro Icardi, që e kërkoi sapo kuptoi se 9 e tij do përfundonte tek Romelu Lukaku.
