E thërrasin si McGregor, “the notorious”, ai e Conor pratikojnë të njëjtin sport e në mënyrën e tyre kanë bërë historinë. Pastaj ngjashmëritë mbarojnë këtu, sepse Nick Newell, 33 vjec, nuk mund të krahasohet me asnjë luftëtar tjetër në qarkullim: për shkak të një deformimi, që nga lindja e ka krahun e majtë që i mbaron tek bërryli. Kjo gjë nuk e pengon të ketë një karrierë me numra ekzaltues: në 10 vjet në 18 ndeshje të Mma ka fituar 16, e dy netë më parë në debutimin në Bellator, një nga promovuesit më të mirë në botë, ka vënë përfund në më pak se 3 minuta Corey Browning.
Newell ka luftuar që fëmijë, duke ndjekur shembullin sportiv të idhullit të tij Jim Abbott, lojtari i baseball pa dorën e djathtë por sidoqoftë kompetitiv në nivelet e larta në MLB. E ka nisur me mundjen e lirë në lice, ka vazhduar në kolegj ku ishte shok dhome me yllin e wrestling Curt Hawkins, ndërsa më vonë zbuloi Mma. “Nuk ngjitem në oktagon për të dëgjuar të thonë “Ej, si me një krah je i zoti” ose për të treguar se persona me një handicap mund të bëjnë cdo lloj aktiviteti. Jo, ngjitem për të treguar se jam një nga luftëtarët më të mirë në botë”, thotë ai në një intervistë për mmajunkie.
E në fillim problemi ishte të gjenin kundërshtarë për të: askush nuk donte të rrezikonte të humbte kundër një rivali ashtu. Newell është i aftë, ka kurajon e një luani e ka ditur të gjejë një stil të tijin në të cilin pozicioni i disavanatazhit nga ku niset, të mos peshojë: përdor bërrylin e majtë si të ishte një grusht, ka prefeksionuar fazën difensive e ka shtuar një Ju-Jitsu mundjes së lirë ku ka qenë mjeshtër që më parë, duke punuar shumë në kapjet në trup përtokë, efikase e të paparashikueshme. E strategjia funksionon: në 16 fitore, 11 janë me dorëzim.
Newell është një peshë e lehtë e në karrierë është ndeshur me kundërshtarë të vërtetë. Ka mundur Eric Reynolds, duke fituar brezin e XFC, është ndeshur për titullin WSOF e ka humbur kundër Justin Gaethje që sot është i pesti në ranking e kategorisë në UFC. Një vit më parë ka patur shans të futej në promotion të Dana White: ka marrë pjesë në Contender Series por në fund të tre raundeve ka humbur me vendim unanim kundër Alex Munoz. Me Bellator kishte kontratë për vetëm një ndeshje, por mënyra me të cilën nështroi kundërshtarin të lë të kuptosh se do të qendrojë gjatë: Newell ka ende shumë kundërshtarë e skepticizëm për të mundur, për të arritur tek yjet...
