Ndeshje të rëndësishme, kundërshtarë po aq të rëndësishëm: kampionët e botës në transfertë do të trembnin cdo kundërshtar, ndërsa Islanda nuk është e brishtë edhe jashtë shtëpisë. Për Shqipërinë e Edy Reja misioni nuk është fare i lehtë, por italiani është pozitiv për këto dy ndeshje: “Luajmë kundër një ekipi me futbollistë të mëdhënj. Shkojmë për të vendosur në vështirësi Francën dhe duam të bëjmë paraqitje të mira. Shpresoj të marrim rezultat me kampionët e botës, ndërsa kujtoj që në ndeshjen ndaj Islandës luajtëm shumë mirë”.
Didier Deschamps do të jetë pa Kylian Mbappe të dëmtuar, por Reja bën vetëm ironi me këtë fakt: “Mbappe sigurisht që është lojtar më cilësi, por atje mjafton të mbyllësh sytë e të zgjedhësh sepse janë të gjithë të fortë e kanë ekapërincë ndërkombëtare. Nuk duhet të hyjmë në fushë me frikë: luhet 11 kundër 11”.
Pikët janë ato që vlejnë. Me tre skuadra në kuotën e 9 pikëv, vetëm tre larg Shqipërisë, tani bilanci bëhet me kujdes: “Nuk kemi të njëjtat shanse në të dyja ndeshjet. Askush nuk e priste që Turqia të fitonte ndaj Francës, pse mos të marrim dhe ne pikë. Ndaj Islandës duhet të dalim me fitore me Islandën dhe të përmirësohemi në renditje”.
