Incident sportivo-diplomatik në Paris në vigjilje të sfidës mes Francës e Shqipërisë. Në Stade de France tifozët dhe lojtarët kuqezi janë befasuar nga tingujt e himnit kombëtar që duhej të luhej para ndeshjes. Në vend të himnit kombëtar të Shqipërise është luajtur ai i Andorrës, që ka indinjuar stafin e kombëtares, duke vonuar minuta të tëra fillimin e ndeshjes.
Por ironia nuk ka mbaruar këtu. Pasi himni ynë është gjetur, spikeri i stadiumit ka kërkuar ndjesë dhe i ka ftuar tifozët të dëgjojnë himin e ...Armenisë.
Mësohet se e gjitha ka qenë një ngatërresë e zbuluar nha media sportive franceze, RMC Sport. Federata franceze ka një shërbim protokoll që bashkëpunon ngushtë me marketingun në menaxhimin e organizimit të një takimi ndërkombëtar, miqësor ose zyrtar.
Himnet të skuadrave mike, shërbimet e Federatës Franceze të Futbollit i marrin nga UEFA nëpërmjet shërbimeve postare. Por shërbimeve të FFF i kanë ardhur dy e-maile sipas RMC Sport. Një për Shqipërinë dhe një për Andorrën pasi Franca të martën pret në të njëjtin stadium kombëtaren e ketij vendi.
Duket se në adresë të shërbimeve të FFF kanë ardhur dy e-maile dhe për ironi të fatit është hapur himni i Andorrës dhe jo ai i Shqipërisë. Padyshim rastësisë nuk mund të justifikohet faji i FFF-së apo shërbimeve të saj dhe pse deri tani nuk është marrë asnjë masë. Trajneri Deschamps deklaroi se gabimi me himnin nuk duhet të ndodhë më ndërsa dhe vetë Presidenti francez i ka kërkuar ndjesë Edi Ramës, ndjesë e cila është pranuar nga kryeministri i Shqipërisë.
©Lapsi.al
