“Sensi më kujton Sneijder”. Massimo Moratti i ka dhuruar Interit shumë tituj sportiv, por edhe ato gazetaresk ai i menaxhon shumë mirë, duke e krahasuar mesfushorin, që është duke i magjepsur zikaltërit, me holandezin që ishte një nga simbolet e tripletës së 2010-ës. I intervistuar në mbrëmjen e vonë, në dalje nga restoranti në qendër të Milanos, në të cilën kishte darkur me pronarin Zhang Jindong, presidentin Stiven, drejtuesit zikaltër dhe disa miq kinez, ish-presidenti ka folur për futbollin duke i dribluar thjeshtësisht pyetjes mbi derbin e së shtunës.
“Familja Zhang është shumë e sjellshme – ka thënë Moratti – si Stiveni, ashtu dhe babai i tij. Janë të gatshëm dhe të prirur të bëjnë mirë dhe janë të lumtur për situatën aktuale. Jam shumë i impresionuar nga Sensi dhe nga trajneri. Janë hedhur bazat për të bërë mirë. Conte është i zoti, në deklaratat që bën, në shpirtin që i ka dhënë skuadrës. Por nuk e prisja një Sensi kaq të fortë, është inteligjent, ka shpejtësi, ka ndryshuar skuadrën, ashtu si bëri dikur Sneijder.
Titulli kampion nuk përmendet, por janë bazat për të luftuar”. Thjesht mbyllja paragjykuese për sfidën e afërt me Milanin: “Për derbin nuk thuhet asgjë”, përshëndet duke qeshur Moratti.
