"Nuk dua të shoh më një skuadër kaq të lëshuar dhe pa uri": pasi mori përsipër gjithë përgjegjësinë për barazimin me Slavia Praga, Antonio Conte ka ngritur tonet ndaj lojtarëve të Inter. Në fillim një seancë video në të cilën analizoi gjithë gabimet e bëra nga të tijtë në debutimin zhgënjyes në Champions League, pastaj një diskutim motivues për të karikuar lojtarët, për ti kthyer ato shkëndija që munguan në San Siro e që do të jenë thelbësore të shtunën në mbrëmje për të cuar në shtëpi një rezultat pozitiv në derbi.
Conte ka dashur të theksojë se kërkon një grup kompakt: konfrontimet konstruktive si ai që ndodhi në pushim të ndeshjes së Champions, në dhomat e zhveshjes në Meazza, mes Lukaku e Brozovic, nuk janë problem, por objektivi duhet të jetë vetëm ai i fitores me një skudër të bashkuar.
Në pushim të ndeshjes, Conte i kishte lënë lojtarët të flisnin mbi cfarë nuk po shkonte mirë. Lukaku i kishte kërkuar shokëve të luanin më me kurajo, të kërkonin ta shërbenin jo vetëm me topa të gjatë e me shpinë nga porta, por Brozovic ka replikuar keq, duke nxehur gjakrat. Një përplasje disi e ndezur por normale mes dy pjesëve të një ndeshje kaq të rëndësishme. Tani mbetet për të parë si do ta përjetojnë dy lojtarët episodin në vazhdim...
