Edicioni 2019 i ‘The Best’, trofeu i dorëzuar nga Fifa për lojtarin më të mirë të vitit kalendarik, votuar nga teknikët e kapitenët e kombëtareve të të gjithë botës, është i destinuar të futet në histori si më i përfoluri i të gjitha kohërave. Pas denoncimeve të për parregullsi të dyshuara në votimin e kapitenit të Nikaraguas e teknikut të Sudanit, edhe në Egjipt ka shpërthyer një cështje që përfshin Fifa-n.
Votimet e kapitenit të kombëtares e të teknikut nuk janë konsideruar të vlefshme nga organizmi më i rëndësishëm i futbollit botëror. Federata ka kërkuar shpjegime, duke marrë si përgjigje se votimet “ishin shkruar me të vogla dhe nuk dukeshin autentike”. Në fund, mungonte firma e presidentit të Federatës vendase, e detyrueshme që votimet të aprovoheshin. Sipas Fifa-s Egjipti ka kërkuar modalitetin e votimit të 19 gushtit, dy ditë para skadencës, por nga Egjipti u justifikuan me faktin se pikërisht ato ditë u ndryshuan drejtuesit.
E menjëhershme ndjesa nga Kairo, për Fifa-n, por edhe për Momo Salah, që ishte në garë për trofeun. Sulmuesi e kishte shfaqur zhgënjimin e tij përmes një postimi që e shihte të mbështjellë me flamurin e vendit të tij, pa arritur të shpjegojë mungesën e atyre votave.
Tani problem u evidentua, por inati i Salah nuk ulet. Presidenti i Federatës el Ganainy i ka telefonuar lojtarit duke e siguruar se kush ka gabuar do të dënohet, por fakti është se vota e vetme egjiptiane ka qenë ajo e gazetarit Hany Danial i cili, cuditërisht, ka vënë Momo të tretin, pas Sadio Mané e Cristiano Ronaldo…
