Kamerat e sigurisë kanë filmuar momentin kur rrufeja godet një burrë në Spring të Teksasit. Alex Coreas kishte nxjerrë 3 qentë për t’i shëtitur, kur u godit befasisht nga rrufeja. Mekaniku 27-vjeçar shpëtoi paq nga shkarkesa elektrike dhe nga spitali ka rrëfyer atë që i ndodhi.
“Pashë që po afrohej një stuhi dhe i shtova hapat. Nuk mbaj mend asgjë nga ajo që ndodhi. As pamjet nuk i kam parë. Kur u përmenda pashë që po më hipnin në një helikopter dhe dikush më tha se isha goditur nga rrufeja.
Më vonë nisa të kisha dhimbje në të gjithë trupin. Pyetja e parë ishte nëse u kishte ndodhur gjë qenve. Mora vesh se ata kishin shpëtuar pa asnjë lëndim. Sophie, Honey dhe Hazel janë si fëmijët e mi” – tha i riu që qëndron prej 4 ditësh në spital.
“Jam me fat që jam gjallë dhe mezi pres të shkoj në shtëpi te gruaja. Tashmë kam një histori për të treguar” – tha ai. ©LAPSI.al
