Policia bullgare, përmes shefit të saj Georgy Hadzhiev, ka informuar se ka arrestuar gjashtë persona të lidhur me faktet e ndodhura të hënën në mbrëmje në Sofie gjatë ndeshjes mes Bullgarisë e Anglisë. “Tifozë” të veshur me të zeza, buu mbi të gjitha kundër anglezëve Sterling e Rashford, përshëndetje naziste e fanellat me shkrimet No Respect kanë krijuar problemet kryesore në sfidën kualifikuese për Euro 2020.
Edhe Uefa, një ditë më parë, kishte deklaruar nisjen e hetimeve mbi këtë cështje, ndërsa ministri i Brendshëm ka komunikuar se është në punë për të identifikuar të tjerë përgjegjës për sjellje të tilla e se do të bëjë cdo gjë të mundur për ti ndëshkuar fajtorët. Si rrjedhojë e atyre që ndodhën në ndeshje, e ndërprerë dy herë, ka dhënë dorëheqjen edhe presidenti i federatës bullgare, Borislav Mihailov.
