Më keq nuk mund të shkojë, madje aq keq sa të mendosh se fatet e një sezoni të vendosur në një fazë kampionati, nuk mund të ndryshohen më. Flamurtari e ka nisur krizën, pa filluar kampionatin dhe pasojat janë pas nëntë javëve të para, pothuaj fatale: dy pikë në nëntë javë, asnjë fitore dhe një tjetër humbje në shtëpi, kundër një skuadre me të cilën duhej të luftonte bashkë me Luftëtarin për mbijetesë.
Vllaznia ka mposhtur Flamurtarin me rezultatin 1-3 në Vlorë, duke e lënë të pashpresë Sadedinit. Fitore tepër e rëndësishme për skuadrën e Mirsad Jonuz, që me këtë sukses, u ngjit momentalisht në vendin e 2-të, me 15 pikë, po aq sa Teuta.
Kruja, Krymi dhe Da Silva ishin autorët e golave për shkodranët, ndërkohë që për Flamurtarin shënoi Sukaj, një tjetër shkodran, por që luan për kuqezinjtë. Vlonjatët luajtën 1 pjesë me 10 lojtarë pas daljes së Deliajt me karton të kuq, gjë që e vështirësoi edhe më shumë misionin e Flamurtarit.
Në 8 javë kampionat Vllaznia e Mirsad Jonuz ka arritur të sigurojë 12 pikë, ndërkohë që vlonjatët e Sadedinit vetëm 2 pikë. Në sfidën e radhës kuqezinjtë do të presin Skënderbeun, ndërkohë që Vllaznia është mysafrire në Laç!
