Antonio Conte duhet të bëjë akoma pa Stefano Sensi, të paktën edhe për një javë. Lajmin e ka dhënë Gazzetta dello Sport, sipas të cilës ish-futbollisti i Sassuolo do të mbahet pushim për ndeshjen me Parmën, ashtu si edhe të martën në Brescia për të evituar të forcojë kohët e rikuperimit e të pësojë një tjetër dëmtim. Mesfushori zikaltër ka kryer të mërkurën teste të reja që i kanë sugjeruar stafit mjekësor të Inter të bëjnë kujdes, edhe pse problemi është në rrugën e zgjidhjes.
Rikthimi i tij, duke prjashtuar të papriturat, duhet të bëhet të shtunën e 2 nëntorit në Bologna. Mungesës së Sensi do ti shtohet edhe ajo e Vecino, që do të jetë në rastin më të mirë i disponueshëm për pankinën, duke e detyruar Conte të rikonfirmojë treshen e mesfushës që luajti në Champions, e formuar nga Gagliardini, Brozovic e Barella. Sa për zëvendësuesit, me përjashtim të Borja Valero, do ti kërkohet ndihmë skuadrës së moshave nga ku mund të mbërrijë Schirò.
