"Kushte meteorologjike të kundërta": kështu organizatorët e MotoGP vendosën të anullonin kualifikueset në Phillip Island, pas një flamuri të kuq të treguar gjatë sesionit të provave të lira të treta. Mbi cirkuitin australian frynte një erë e fortë, që i ndalonte pilotët të garonin me siguri, shoqëruar me reshje shiu. Një vendim përfundimtar mbi mënyrën e pozicionimit në start për garën do të merret kur në Australia të jetë mëngjesi i të dielës.
Nuk ka kualifikuese për Cmimin e Madh të Australisë në MotoGP. Ajo që pilotët kishin frikë (e kishin thënë direkt në konferencë shtypi të enjten) u verifikua: moti në Australi vendosi të bëjë numra, duke prishur programin ditor, që nga FP3. Patën mundësinë të mbyllnin xhiron vetëm Johann Zarco (që mori kënaqëinë e të qenit i pari), Pol Espargarò e Morbidelli, para se të shfaqej flamuri i keq, që rezultoi përfundimtar. Fillimisht ishte era që e bëri të pamundur për pilotët të zbrisnin në pistë, pastaj erdhën edhe reshjet e rrëmbyeshme të shiut, që detyruan mbylljen e garës: kualifikueset nuk do të zhvillohen këtë të shtunë as me vonesë, gjithcka zgjidhet nesër.
Kur në Australia të jetë mëngjesi i të dielës, do të zhvillohet mbledhja që do të vendosë vijën e startit për garën në Phillip Island. Dy janë hipotezat: kualifikueset mund të kryhen në mëngjes (me fillimin në orën 10.20 lokale, ose 1.20 e natës në Shqipëri), ose për të vendosur startin do të llogariten kohët e kombinuara nga tre provat zyrtare. Në këtë rast para të gjithëve duhet të niset Maverick Vinales me Yamaha, përpara surprizës Andrea Dovizioso e Cal Crutchlow.
