Djali i ish-futbollistit të Anglisë, Paul Gascoigne, ka deklaruar, për herë të parë publikisht, se është biseksual. Regan është një balerin 23 vjecar dhe në intervistën për Sunday Mirror ka rrëfyer se është shoqëruar me meshkuj në të shkuarën, por pa dijeninë e të atit. Sidoqoftë, Regan beson se ish-lojtari i Lazio do ta aprovonte pa probleme orientimin e tij seksual.
Mes temave të prekura është edhe ajo e fëmijërisë me ish-numrin 10 bardhekaltër, që prej vitesh lufton me alkolizimin. Rrëfimi i tij ka ardhur pasi Gascoigne ka ripërshkuar “vitin e tij të ferrit” në fillim të muajit në transmetimin Good Morning Britain e pas lirimit nga akuzat për ngacmim seksual ndaj një gruaje në tren.
